តស៊ូ (Dorsu) បានរីកចម្រើនពីអ្នកលក់រាយតូចមួយនៅភាគខាងត្បូងនៃប្រទេសកម្ពុជាទៅជាក្រុមហ៊ុនផលិតកម្មមួយដែលបង្ហាញពីជម្រើសផ្សេងក្នុងការផលិតសម្លៀកបំពាក់ទូទាំងពិភពលោក។ ក្រុមអ្នកជំនាញរបស់ពួកយើងមានទីតាំងស្ថិតនៅក្នុងប្រទេសកម្ពុជា ហើយពួកយើងមានមោទនភាពណាស់ក្នុងការផ្តល់ជូនលោកអ្នកនូវឱកាសពិសេសមួយក្នុងការដឹងអំពីរឿងរ៉ាវក្រោយការផលិតសម្លៀកបំពាក់របស់លោកអ្នក។
ប្រទេសកម្ពុជាគឺជាប្រទេសមួយក្នុងចំនោមអ្នកផលិតសម្លៀកបំពាក់ធំជាងគេនៅទូទាំងពិភពលោក ដែលមានបុគ្គលិកជាង 700,000 នាក់ ស្មើនឹង 80% នៃប្រាក់ចំណូលនាំចេញសរុបរបស់ប្រទេស (គម្រោងរោងចក្រកាន់តែប្រសើរនៅកម្ពុជា Better Factories Cambodia)។ ដោយបើកកន្លែងផលិតសម្លៀកបំពាក់មួយដែលមានសុវត្ថិភាព យុត្តិធម៌ និងការគាំទ្រ ពួកយើងផ្តល់ជូនកម្មករនូវជម្រើសមួយគឺសិក្សារៀនសូត្រ និងរីកចម្រើននៅក្នុងបរិយាកាសមួយដែលគាំទ្រពួកគេជាបុគ្គល និងជាកម្មករជំនាញ។
